தேநீர்மழை
♥ ♥
¤
தேநீரின் சுவை
கூடிக்கொண்டே
போகிறது
மழை அதிகமாக அதிகமாக!
¤
உடல் நனையாத
பெருமழை
நாளொன்றில்
மனம் நனைத்தது
குடல் நனைத்த
தேநீர்த்துளி!
¤
ஒருகோப்பைத் தேநீரை
மணிக்கணக்கில்
சுவைப்பதற்கு
மழையை விட
சிறந்த காரணம்
ஏதுமிருக்க முடியாது!
¤
தேநீரோடு மழையை ரசிக்க
நீயிருக்கிறாய்..
உன்னோடு மழையை
ரசிக்க நானிருக்கிறேன்..
மழையோடு மழையை
ரசிக்கத்தான்
யாருமில்லை!
¤
அந்த தேநீர் விடுதியின் மேஜையிலிருந்த
காலிக் கோப்பை
உணர்த்தியது
யாரோ ஒருவர்
முழு மழையையும்
பருகிவிட்டுப்
போயிருந்ததை!
¤
ஒரு கையில் தேநீர்
மறு கையில் சிகரெட்
கவனிக்காத நேரத்தில்
கடந்துவிட்டது மழை!
¤
♥ ♥ ♥
Published with Blogger-droid v2.0.4
No comments:
Post a Comment